Hawak na ng Caloocan police ang 2 construction worker na itinuturing na
persons of interest sa krimen habang may 2 pang suspek na pinaghahanap.
Kinilala ang mga biktima bilang sina Mona Ismael, Glydel Belonio, at Arjay
Belencio, na natagpuang patay sa isang makeshift na bahay.
Ayon kay Levan Belencio, ama ni Arjay, pinatira ng kaniyang kapatid na nasa
London si Arjay pati ang kaibigang si Belonio para magbantay sa pinapagawang
bahay nito.
Ang isa pang biktimang si Isamel ay nakitira rin sa 2 kaibigan para
makapag-review sila sa darating na nursing board exam.
Ayon kay Dario Menor, hepe ng Caloocan police, natuklasan ni Arjay ang
ginagawang panloloko ng ilang constructioner worker sa kanila.
Kasama umano rito ang pagpapatong ng malaking halaga sa binibiling
construction materials at paggamit ng marijuana.
Pagnanakaw ang isa sa tinitingnang motibo sa krimen dahil nawawla ang 2 ATM ni
Arjay, ani Menor. Laman umano ng ATM ang perang panggastos para sa pagpapagawa
ng bahay.
Samantala, naaresto rin ng Caloocan police ang isang lalaki na taga-Maynila na
sinasabing pumatay sa isang call center agent sa lungsod noong Setyembre 11.
Sinaksak umano ng suspek na si Jerome Tayubong ang biktima matapos itong
pagnakawan.
Nagtamo ng 30 saksak ang biktima.
Ayon sa pulis, nagpanggap na taong may hinahanap sa lugar ang suspek kaya
pinagbuksan ng biktima ng pinto. -- Ulat ni Zyann Ambrosio, ABS-CBN News
Found this article interesting? Share it with your friends! 👍🏼This article first appeared on ABS-CBN.
Enjoyed the article? We are a team of volunteers who want to provide relevant and factual information. We appreciate any amount of donation to keep the inspiring stories from our team coming! 🙏
No comments:
Post a Comment